Rannsóknir sýna að leikskólabörn sem læra að lesa með hjálp spjaldtölvu eru almennt komin lengra í lestri en börn sem hafa lært að lesa með öðrum hefðbundnum aðferðum (1). Mikið hefur verið rætt um notkun spjaldtölva í grunnskólum undanfarið og hafa þó nokkrir skólar hérlendis reynt að nýta þær í kennslu. Erlendis hafa verið gerðar rannsóknir sem hafa sýnt fram á góðan árangur þess að nota spjaldtölvur í kennslu.

Ein slík rannsókn sem var framkvæmd á börnum í fimmta bekk og sýndi að með því að spila stærðfræðileik á spjaldtölvu vikulega gæti árangur nemenda í stærðfræiprófum aukist um 15% (2). Rannsóknir sýna einnig að nemendur sem þiggja sérkennslu gengur betur að læra með hjálp spjaldtölvu (3).

Notkun spjaldtölva í skólum býður upp á nýja möguleika. Sem dæmi auðvelda þær skólum að uppfæra námsefni. Þá er einfaldlega hægt að sækja nýja námsefnið í stafrænu formi í stað þess að prenta nýja útgáfu af kennslubókum. Tölvurnar auka einnig möguleika á fjölbreytilegum kennsluaðferðum og útfærslu á verkefnavinnu nemenda. Til eru margs konar tölvuleikir sem eru sérhannaðir til að kenna nemendum og gætu þessir leikir verið notaðir í staðinn fyrir eða samhliða hefðbundnum vinnubókum. 

Þó kostirnir við notkun spjaldtölva í grunnskólum séu margir standa ýmsar hindranir í vegi fyrir skjótri innleiðingu þeirra í kennslu hérlendis. Kostnaðurinn við að kaupa spjaldtölvu fyrir hvern nemenda mikill og eiga grunnskólar oft í erfiðleikum með að finna í það nauðsynlegt fjármagn. Einnig getur kostnaðurinn við endurmenntun og þjálfun kennara í að nota spjaldtölvur í kennslu á skilvirkan hátt verið mikill. Námsefni fyrir spjaldtölvur á íslensku er eins og stendur af skornum skammti. Líklegt er að framboð námsefni fyrir íslenska nemendur aukist spjaldtölvur verða innleiddar í kennslu grunnskóla. Það gæti þó tekið nokkur ár fyrir framboðið að verða nógu gott til að réttlæta nauðsynleg fjárútlát grunnskólanna í kaup á spjaldtölvum.

Ýmsar aðferðir hafa verið ræddar til að innleiða spjaldtölvur í grunnskóla. Hægt væri að dreifa kostnaðinum yfir nokkur tímabil. Spjaldtölvur gætu komið í staðinn fyrir ýmsan tölvubúnað sem grunnskólar þurfa nú þegar að fjármagna. (Heimild) Með tilliti til hraðrar tæknivæðingar annarsstaðar í samfélaginu virðist innleiðing spjaldtölva í grunnskólum óhjákvæmileg, þó kostnaðurinn gæti verið mikill.

Höfundar: Elísabet Guðrúnar Jónsdóttir og Sigurjón Magnús Kevinsson

Heimildir
1.  http://www.loopinsight.com/2012/02/17/ipad-improves-kindergartners-literacy-scores/
2. http://edition.cnn.com/2012/01/23/tech/innovation/ipad-solid-education-tool
3. http://edition.cnn.com/2012/01/23/tech/innovation/ipad-solid-education-tool
4. http://reykjavik.is/sites/default/files/ymis_skjol/skjol_utgefid_efni/Spjaldtoelvur___sk_lastarfi_0.pdf

Mynd fengin af http://www.startribune.com/ipads-improve-special-education-at-coon-rapids-school/179835811/?refer=y