Gagnagíslataka
Ógn sem er komin til að vera
Apple
Google
Outlook
Outlook.comUtanfélagsmenn: 11.000 kr.
Aðilar utan vinnumarkaðar: 4.500 kr.
Kaffi/te og sætindi á eftir
Á fundinum verður rætt um ógnina sem fyrirtækjum stafar af gagnagíslatöku. Hver eru áhrifa slíkra árása? Hverjir geta lent í þeim? Hvað getum við gert til þess að lágmarka líkur og skaða af árásunum?
Fundurinn hentar stjórnendum, tæknifólki og í raun öllum sem koma að rekstri fyrirtækja enda þarf samstillt átak allra til þess að sporna við árásum sem þessum.
Dagskrá:
11:50 Húsið opnar
12:05 Fundur settur og hádegisverður borinn fram
12:20 Netöryggi í sífellt flóknara öryggisumhverfi ríkja
Netöryggismál hafa þanist út sem viðfangsefni í umræðum um utanríkis-, öryggis- og varnarmál og eru æ oftar á dagskrá funda alþjóðastofnana á borð Atlantshafsbandalagið, ESB, á norrænum vettvangi og í tvíhliða samskiptum Íslands við önnur ríki. Nýjar áskoranir vegna örra tækniframfara og sá síaukni hraði sem af þeim hlýst, krefjast aukins samstarfs innan stjórnsýslna ríkja, á milli ríkja og innan alþjóðastofnana. Á sama tíma er ljóst að netöryggis- og netvarnarmál eru fyrst og fremst á ábyrgð hvers ríkis fyrir sig. Hvaða áhrif hefur þessi þróun á Ísland?
Jóna Sólveig Elínardóttir, utanríkisráðuneytið, öryggis- og varnarmálaskrifstofa
12:40 Ooops, your files have been encrypted! - Gagnagíslataka 101
Fjallað verður almennt um gagnagíslatökuárásir, sögu þeirra og hverjir standa að baki slíkum árásum. Einnig verður rætt um hættuna sem af þeim stafar og hvað hægt er að gera til að minnka skaða af þeirra völdum.
Guðrún Valdís Jónsdóttir, Syndis
13:00 Lagskipt öryggi
Öll getum við lent í því að verða fyrir barðinu á óprúttnum tölvuþrjótum. Í þessum fyrirlestri verður fjallað um það hvernig við getum búið okkur undir slíkar árásir, bæði hvað við getum gert til þess að reyna að koma í veg fyrir árás, en einnig hvernig við getum lágmarkað þann skaða sem við verðum fyrir ef utanaðkomandi aðili fær aðgang að kerfunum okkar.
Tinna Þuríður Sigurðardóttir, Íslensk erfðagreining
13:20 Af hverju er gagnagíslataka að aukast?
Fjallað verður um af hverju gagnagíslataka er að aukast sem og aðkomu CERT-IS að þannig málum og tilkynningum.
Guðmundur Arnar Sigmundsson Netöryggissveit CERT-IS
13:40 Spurningar og umræður
14:00 Fundarslit
Fundarstjóri: Breki Karlsson, Neytendasamtökin
