Veftóftir og vængjaþytur

VEFTÓFTIR OG VÆNGJAÞYTUR

Þessi fundur verður á tæknilegum nótum og er hugsaður fyrst og fremst fyrir forritara, en einnig þá sem hafa áhuga á að kynna sér þau viðfangsefni sem eru til umfjöllunar. Farið verður dýpra í tækni og útfærslu en oft áður. Fjallað verður um Flutter, sem er ný og byltingarkennd leið frá Google til að forrita öpp á hraðari hátt en áður hefur þekkst. Trygg samskipti milli vefþjóns og vefskoðara með socket.io verða skoðuð, en þau verða sífellt mikilvægari með sífellt flóknari veflausnum. Farið verður dýpra í tækni og útfærslu en oft áður á viðburðum Ský.

Fundurinn er fyrir alla sem hafa áhuga á hugbúnaðargerð; forritara, prófara, verkefnastjóra, hönnuði, eigendur verkefna og fleiri tæknisnillinga.

Dagskrá:

11:50   Afhending gagna

12:05   Fundur settur og hádegisverður borinn fram

12:20   Flutter
Flutter er nýtt og byltingarkennt Cross-Platform Framework frá Google, sem er að breyta því hvernig við hönnum og þróum öpp í dag. Flutter leyfir þér að þróa öpp fyrir bæði Android og iOS samtímis, á mun skemmri tíma en áður hefur þekkst, sem bæði líta út og hegða sér nákvæmlega eins á báðum stýrikerfum. Í fyrirlestrinum verður farið yfir hvað gerir Flutter svona byltingarkennt og hvernig það er frábrugðið öðrum Cross-Platform lausnum.
Anna Laufey Stefánsdóttir, Origo

12:50   Veftóftir yfir Socket.io
Socket.io er Node library sem hjálpar WebSocket staðlinum að vera þægilegur í rekstri. Með lítilli fyrirhöfn er hægt að fá Socket.io til að tala við Node bakenda, og sér þá um reconnection, event handling og fleira.
Ólafur Karl Stefánsson, Trackwell

13:10   Hugbúnaðarþróun á fullu flugi
Þrátt fyrir stöðugar hættur sem hugbúnaður þarf að lifa við þá eru stöðugt auknar kröfur um meiri framleiðni. Hvernig náum við fram þessum aukna hraða án þess að skapa áhættu í formi rekstrarvandamála og öryggisveikleika?
Ágúst Hlynur Hólmgeirsson, Mótherji

13:30   GraphQL
GraphQL er fyrirspurnamál fyrir vefþjónustur þróað af Facebook og var fyrst gefið út opinberlega 2015. Samfélagið hefur vaxið hratt síðustu ár og sífellt fleiri sjá kostina í því að þróa GraphQL vefþjónustur til að ná tökum á dreifðu þjónustulagi, hraða nýþróun og auðvelda þróun reactive client-a. Stiklað verður á stóru, skýrt út hvað GraphQL er, hvaða vandamál það leysir (og skapar) og hvernig Nova hefur séð tækifæri í að nota GraphQL í sinni stafrænu vegferð.
Gunnar Már Þorleifsson, Nova

13:50   Stuttar umræður

14:00   Fundarslit

Fundarstjóri: Raquelita Rós Aguilar, framkvæmdastjóri Stokks Software