Mótum framtíðina saman

Sameiginleg vorráðstefna fyrir félaga Ský, Stjórnvísi, Mannauðs, ÍMARK og FVH. Fjölbreyttir fyrirlestrar úr mismunandi áttum viðskiptalífsins um framtíðina. Endum daginn á að stækka tengslanetið og skála fyrir framtíðinni og höldum svo út í vorið!

DAGSKRÁ

14:00 Velkomin

Allir memm! Ákvarðanataka framtíðar

Ákvarðanir eru teknar með margvíslegum hætti. Stundum tökum við ákvarðanir fyrir aðra - heila vinnustaði eða stóra hópa - og stundum eru teknar ákvarðanir fyrir okkur án þess að við höfum nokkuð um það að segja. Stundum „tökum við slaginn“ og stundum látum við ákvarðanir annarra bara yfir okkur ganga. Samningar eru það form ákvarðanatöku sem er í mestum vexti hvert sem litið er í samfélaginu eða samfélagi þjóðanna. Því fylgja ýmis tækifæri - og hættur - þar sem flest erum við ekkert sérstaklega góð í samningagerð.

Aðalsteinn Leifsson, ríkissáttasemjari

Þarf alltaf að vera gaman?

Mun framtíðin vera skemmtileg, betri eða er partýið búið?

Margrét Tryggvadóttir, skemmtana-og forstjóri Nova

Framtíðaráhrif fjarvinnu á framboð á vinnuafli – tækifæri og ógnanir

Er útlitið svart eða bjart? Hver eru líkleg áhrif gervigreindar, staðvinnu, tvinnvinnu og fjarvinnu á vinnustaði morgundagsins? Hvernig er líklegt að laun og vinnutími þróist? Spáum í það.

Gunnar Haugen, Talent Management Director CCP

Stutt kaffihlé

Hvað vita hakkarar framtíðarinnar um þig?

Aðgengi að þínu stafræna fingrafari er aðgengilegra hökkurum en þú heldur. Sýnd verða dæmi um hvernig hakkarar framtíðarinnar geta auðveldlega fylgst með þér á netinu og hvernig hægt er að verjast því.

Theódór Gíslason, Co-founder & CTO hjá Syndis

Húmor virkar - í alvöru

Rannsóknir sýna að húmor ekki aðeins auki vellíðan bæði andlega og líkamlega heldur einnig að Húmor stuðlar að betri árangri í atvinnulífinu. Húmorinn veitir okkur sannarlega gleði og er því gríðarlega mikilvægur hluti fyrirtækjamenningar. En þegar við erum farin að sjá að virkni Húmors skilar sér líka í sjálfan efnahaginn, þá er ekki spurnig að staldra við og leggja við hlustir. Húmor nefnilega virkar, í alvöru.

Sveinn Waage, markaðsstjóri, fyrirlesari og sérfræðingur í samskiptum

Ráðstefnustjóri

Ásdís Eir Símonardóttir

16:00 Skálum saman fyrir framtíðinni og tengjumst!
Léttar veitingar og tengslanetið stækkað í góðra vina hópi.

18:00 Partýið búið - haldið saman út í vorið!

16. maí 2023
kl. 14:00 - 18:00
Hótel Reykjavík Grand
Sigtúni 38, 105 Reykjavík

Aðkoma Sigtúnsmegin
Þátttökugjald: 9.900 kr.

Greiðist fyrirfram og ekki endurgreitt ef afboðað er eftir 14. maí.