Þróun vefsins í stafrænni framtíð

Hádegisfundur á Grand hóteli
(Háteigi 4. hæð)
7. nóvember  kl. 12-14

Þróun vefsins í stafrænni framtíð
- Nýjustu straumar og stefnur -

Twitter: @SkyIceland #VefDigital

Hvaða breytingar eru að verða á því hvernig veflausnir eru þróaðar? Mun hlutverk vefja í þjónustu við viðskiptavini breytast á næstunni? Hvaða áhrif hefur ný tækni og nýjar hugmyndir á hvernig vefir eru hannaðir og notaðir? Það er ljóst að þróunin heldur áfram og alltaf er eitthvað nýtt og spennandi í gangi. Við fáum að heyra meira um það í fjórum áhugaverðum fyrirlestrum sem tengjast vefmálum með ólíkum hætti.

Erindin ættu að höfða til allra sem koma að vefmálum og annarri stafrænni þjónustu og miðlun.

Dagskrá:

11:50-12:05      Tekið á móti fundargestum

12:05-12:20      Fundur settur og hádegisverður borinn fram

12:20-12:45      Hlutverk stafrænna lausna í framúrskarandi þjónustu
Þessa dagana keppast fyrirtæki um að gera þjónustu sína aðgengilega með stafrænum hætti. Það virðist varla vera til vandamál sem ekki mætti leysa með smáforriti. Áður en við hlaupum til og forritum er mikilvægt að skilja þarfir notenda og hvað er viðeigandi að gera stafrænt og hvenær er viðeigandi að nálgast viðskiptavini með öðrum hætti. Notendaferlar (journey mapping) er öflugt tæki sem hjálpar við að skilja einmitt þetta.
Margrét Dóra Ragnarsdóttir, sjálfstætt starfandi stafrænn hönnunarstjóri

12:45-13:10     Þú baðar ekki fólk á internetinu
Reykjavíkurborg vinnur nú að innleiðingu þjónustustefnu þar sem notandinn er settur rækilega í öndvegi. Allir þjónustuþættir eru greindir og til verður fjöldi umbótaverkefna sem fela í sér einfaldari ferla og betra aðgengi og viðmót. Áherslan er á rafrænar lausnir og þar er vefurinn í lykilhlutverki en með öðrum áherslum en áður. Grunnurinn er Design System sem unnið verður á næstu mánuðum en á því mun viðmót rafrænna lausna verða byggt. Kannski hættum við fljótlega að tala um vefi og tölum bara um viðmót þjónustu, eða bara þjónustu. Farið verður yfir helstu aðferðir og áherslur Reykjavíkurborgar og rætt um þær áskoranir sem við stöndum frammi fyrir.
Hreinn Hreinsson, vefstjóri Reykjavíkurborgar

13:10-13:35     Hvað er framsækið vefapp (PWA)?
Farið verður yfir helstu þætti Progressive web apps úr 30.000 fetum og þau borin saman við „hefðbundin" öpp og vefsíður. 
Orri Arnarsson, forritari hjá Sendiráðinu vefstofu

13:35-14:00     Framtíð viðmóts í tengdum heimi
Netið og farsímar hafa gjörbreytt hvernig við notum tækni, og teljast nú hversdags tæki með víðan aðgang í þjóðfélaginu. En hvað gerist þegar sífellt fleiri tæki tengjast netinu? Hvernig þróast viðmót við tækni þegar við þurfum að eiga við ekki bara eitt eða tvö tæki í lífinu okkar heldur tugir tækja á hverjum degi. Guðmundur mun fjalla um hvernig þessi þróun er þegar að eiga sér stað og hvernig vörur eins og Google Assistant snerta inn á þessar breytingar.
Guðmundur Hafsteinsson, yfirmaður vöruþróunar á Google Assistant og formaður í stýrihópi stjórnvalda um mótun nýsköpunarstefnu fyrir Ísland

14:00                 Fundarslit

Fundarstjóri: Guðmundur Jóhannsson, samskiptafulltrúi Símans

Undirbúningsnefnd:  Stjórn faghóps Ský um vefstjórnun

Matseðill: Pönnusteiktir þorskhnakkar með kartöflu smælki, blönduðu grænmeti og hollandaise sósu. Sætindi / kaffi /te á eftir.

Verð fyrir félagsmenn Ský:   6.400 kr.
Verð fyrir utanfélagsmenn: 10.500 kr.